شلونكم يا رب بخير
ويا رب المشاركة تنال اعجابكم
هي- هجرك ياولف صاير بلا حد
مثل سيف اليكص ركبة بلا حد
وكلتلي انتظري انا ارجع بلأحد
اجه الاحد ويمته تعود اليه
هو- احد سجين صبري وجن ولاحد
التفتت وماشفت ربعي ولاحد
وجم سبت اليمر بيه والاحد
اجي بس شوفتج تصعب عليه
هي- لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
كمت ماتسأل ولاتمر بيه
هو- غيرج ماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دم ينزف ولاتدرين بيه
هي- محبتك تجري وي روحي ويدماي
وعليك انشلت عظامي ويدماي
انجويت بيد انا ناري وبيد ماي
ولكن من يطابكهن سويه
هو- عليج الروح راحت من يردها
وكيحة همومي صارت من يردها
خطية الروح ملت من يردها
لأن بس الصبر يسأل عليه.
ـــــــــــــــــــــــــــــــــــــــــــــــــــــــ
اتمنة تعجبكم انتظر ردودكم يالله وينكم
الإثنين يناير 07, 2008 11:49 am
